中文
地產新聞
樓市五節棍之政府瘋狂推地
(林木地) 2014年3月8日
第一棍：二手賣樓要講噱頭

二手樓超靜，賣樓唔諗噱頭唔得，最近沙田第一城有個筍盤，用韓劇造賣點吸客，據講劈價成功沽貨，看來一手盤賣樓要靠樓神，在買家主導市場下，二手賣樓亦要講噱頭。

《太公報》稱，小陽春大爆發，價平有承接，鰂魚涌兩日開4單，單單劈住走。另外，熱爆全城的韓劇「星星」效應帶挈沙田第一城1個「來自星星的筍盤」閃電沽出。由該劇《來自星星的你》男主角都敏俊（金秀賢飾） 「促銷」僅一日，該個3房「抽水盤」極速以380萬元破底價賣出，成交價年半最殘，真係抽盡「星星」水。

第二棍：政府瘋狂推地

政府瘋狂推地，連招標陣容都加強，一推就幾幅一齊，仲推出不少巨無霸地，個市唔係有中資頂住，好難個價頂得住都唔奇。

《誠報》話，地政總署公布，本月將推出4幅住宅地皮招標。其中2幅分別位於新界大埔及九龍啟德第1H區3號地皮將於3月28日開始招標，並於5月23日截標。另2幅於同日招標的新界天水圍地皮，截標日期則為7月4日。當中同早前兩幅「港人港地」相鄰的啟德第1H區3號地皮較受市場關注，加之該區近期標售的地皮市場反應熱烈，有測量師將其估值由22.3億元調升至24.3億元，升幅逾9%。綜合市場估值，此4幅地皮可為市場帶來至少119.4億元之入帳。


第三棍：按揭市場搶

一、二手樓成交淡淡地，連按揭市場都唔會好境，最近按揭市場爭得激烈，二月份樓花賣多咗，中銀就批造按揭最搏命，成為按揭貸款市場第一。

《舊報》話，中銀現樓按揭15連冠渣打樓花按揭六連霸。發展商以優惠促銷新盤，吸引買家入巿，刺激2月份樓花按揭按月倍增至708宗，創9個月新高。現樓按揭表現亦見回勇，按月升近一成，但仍較去年同期銳減逾23%，不但連續4個月低於6,000宗，更是連續30個月少於1萬宗，乃有紀錄以來最長。按揭市場持續低迷下，中銀(香港)15度蟬聯現樓按揭巿佔率冠軍，而渣打則膺樓花按揭六連霸。

第四棍：政府擬怒收鐵路上蓋

政府大手推地，但賣地供應商之一的港鐵，呢幾年批項目遲緩，連發展局都發怒，致令每年供應量未足，發展局陳茂波並準備收回港鐵批地供應權咁話。

《搵銀報》報導，發展局局長陳茂波表示，曾研究收回港鐵（00066）鐵路上蓋物業發展權，但因牽涉法律問題，現階段不作太多評論，但會觀察未來2至3年港鐵項目的發展速度。陳茂波接受電視訪問時指出，港鐵屬獨立上市公司，但亦是一間公用事業公司，在為股東謀取利潤同時，也有一定的社會責任。他續稱，政府當時將上蓋物業發展權批給港鐵，是用作補貼鐵路的發展投資需要，強調並不「益」港鐵而賺取更多利潤。

第五棍：港豪宅租金支出好貴

全球經濟下行，連豪宅租金亦受累，不少行業削減及撤銷高級僱員租津等，本港亦受連累，但租金支出水平，本港仍是全球最貴，每位跨國僱員月支過八萬元，難怪人人話香港貴。

《中產報》指出，香港作為國際市，吸引不少跨國公司來港駐員，員工住屋成為重要開支。有調查機構指出，本港豪宅租住開支冠絕全球，每月平均支出可達八萬九千元。不過市場人士預計，受利淡因素壓力，今年租金見頂回落，料跌百分之一至二。人力資源顧問機構ECA International自去年九月起，對全球120個城市之豪宅三房單位租賃進行調查，結果顯示，本港居住開支較紐約、倫敦等城市為高，但已較去年回落約百分之一。
Licence No.: C-058007
Copyright @ KG International Consultant Limited