中文
地產新聞
樓市五節棍之細價盤搶貨未停
(林木地) 2014年12月6日
第一棍：細價盤搶貨未停

樓越細越可愛，好似公屋居屋細戶，被搶至天價，事關銀碼細容易食，而房協以上車樓為主，今次喜字輩樓盤又賣到開巷，看來細價樓仲有一段時間被搶高。

《生果報》講，收票逾4,100張，今年熱搶第3位，喜盈31人爭1伙。房協繼喜雅後，再次推售長沙灣「港人港樓」喜盈，收票期間共接獲逾4,100張票，超額認購逾30倍，即至少31人爭1伙，成為2014年熱搶新盤第三位。項目反應踴躍程度媲美大型新盤，加上入票限制一人一票，「水份」較少，反映市場對上車或細單位的住屋渴求；另同區恒地（012）今日發售曉悅22伙劏房，累收僅56票，被喜盈盡搶風頭。

第二棍：超人上車盤賀羊年

年底樓市仲旺緊，呢兩年賣樓回復狀態的李超人間長實，預先公告天下，明年羊年會開賀歲盤，並以限呎樓打響頭炮。

《舊報》表示，長實羊年「悅目」打頭陣。長實（0001）旗下紅磡利工街9號項目，正式命名為「悅目La Lumiere 」，為該集團首個限呎項目，料為明年「打頭陣」的樓盤，現正待批預售。長實執行董事趙國雄表示，悅目是集團羊年首個推出的項目，而近期新盤熱賣，集團會貼市推盤。

第三棍：炒家食領匯一浸

炒家出手狠準快，好似有個炒家買入領匯批樓盤，已急不及待拆售車位先行獲利，呢批車位叫天價賣，若然成功沽出，成功獲利一大筆差價，連埋一齊購入的商場，變成零成本淨賺咁話。

《免費報》話，林子峰拆售 東熹苑車位。資深投資者林子峰拆售早前向領匯(823)購入的筲箕灣東熹苑停車場，涉129個私家車位，下周五開售。有代理表示，入場費低於100萬元，將提供首年4厘回報保證，買家可購入作自用或長線投資。

第四棍：一手樓投訴多多

樓市旺，自然投訴多，政府話一手銷監局收到過百宗投訴，今年一手樓成交逾萬五宗，百零宗投訴未算太多也。

《搵銀報》指出，銷監局年半，累收101宗投訴。規管一手住宅銷售的法例實施至今已超過年半，市場已有131個新盤開售，合共涉及約2.3萬伙。運房屋指，當局至今合共接獲101宗投訴，牽涉40個新盤銷售。

第五棍：四叔闊綽狂買舊樓

恒基四叔睇好番樓市，最近積極賣樓外，大筆支金押注收購舊樓，用幾十億收強拍項目，今年佢買了六個強拍樓涉及興建二千幾伙，市區樓將成四叔未來賣樓主要收入來源之一。

《阿爺報》報導，恒地蟬聯舊樓強拍王 佔據35%申請 夠起逾2400單位。恒地繼續拋離對手，蟬聯年度「舊樓強拍王」。根據土地審裁處資料，恒地及相關人士今年一共就6個舊樓地盤申請強制拍賣，單計目前地盤估值已近60億元(未計算重建價值)，總佔地達13.59萬方呎，可建樓面約120萬方呎。若以平均單位面積500方呎計算，該批舊樓足足可建2,403個單位。
Licence No.: C-058007
Copyright @ KG International Consultant Limited