KG INTERNATIONAL - Sai Kung, Clear Water Bay, Tai Mong Tsai, Village Apartment

地產新聞

樓巿檢閱之整色整水的招數

(陳永道) 2009年11月21日

孫子兵法有所謂敵進我退的策略，今時今日，政府開始出招整頓樓巿，發展商知道政府這次嚟真料，唔係講笑，所以個個封嘴，其中名鑄發展商之一的新世界發展最識做，事關該物業發展伙伴土地發展局是半官方機構，所以為免政府尷尬，故自從該盤創出最高呎價一房單位的香港記錄後，新世界就鳴金收兵，立即放緩銷售步伐。

先前政府以口技去嚇怕發展商，現在真的開始做嘢，不過管來管去都係啲皮毛嘢，發水樓、跳層及實用面積等問題，早就應管，現時才出招，係後知後覺，不過點都好過無知知覺。

不過政府這次出招，基本上沒有改變過土地供應不足的情況，所以這次整頓之後，樓巿應會略作調整，但樓巿整體向上的方向未有改變，因此如果希望這次政府出招，就會引發樓巿大調整的想法，明顯是非份之想。

既然如此，除非高價入貨買了很多豪宅，否則似乎無必要急急出貨。講來講去，政府根本唔想樓價跌，特首曾蔭權最近做咁多嘢都係為咗打民意牌，撫順吓民意，所以巿民仍要捱貴價樓的事實係無跡象改變。