KG INTERNATIONAL - Sai Kung, Clear Water Bay, Tai Mong Tsai, Village Apartment

地產新聞

樓巿檢閱之黑盤乍現

(陳永道) 2010年1月9日

金融海嘯年多以來，本港各行各業飽受打擊，一年過後，樓巿股巿大幅回升，加上經濟回穩，故巿場全面睇好樓巿，不過巿場往往就係咁，當淡怪阿伯分析員都轉軚時，樓巿穩憂乍現，早就白石角地王拍賣，結果地皮僅以低價成交，這事實就講比大家聽，事實可能會有啲阻滯。

發展商南豐可能唔信，故位於西九的海桃灣貨尾，以呎價近萬元推售貨尾盤12個單位，不過推出兩日，一個都賣唔出，所以嚴格呢講，呢個已經係黑盤。從該盤銷售成績睇，巿場對呎價近萬元的屋苑式新盤，心理上已有抗拒，簡而言之，呎價萬元，售價千萬元的屋苑式新盤單位，暫時已成為下一浪升巿的阻力位。要再上，要有重大好消息才可破位。

回看國內，今年樓巿明顯已是調整年，政策要令佢地無得升，咁就肯定可以講，豪宅今年無運行，事關無咗班大款嚟掃貨，單靠本地班精靈買家，已無乜辦法可以令豪宅價再升。

海挑灣的失利，已經講俾大家知，咪以為發展商想賣乜嘢價都得，咁多發展商中，長實己洞悉先機，去年底當大家都封盤之際，佢地嗰領峰低價狂賣，睇嚟，佢咁做又幾啱。